Wahdy Laken Wansana

Monday, February 02, 2009
my dream place
إنك عندما تريد شيئاً بحق فإن رغبتك الحقيقية تصبح جزءاً من روح العالم الذى انت جزء منه ..
باولو كويليو


Photobucket


Photobucket
انك يكون عندك لوحة فنية وحلمك انك تكون جزء منها
ولما بالصدفة تمر وتلاقى اللوحة مجسمة ادامك فى مكان
يبقى حلم كيانك المجسم سهل تحقيقه
والسر .....
انه بقى جزء حقيقى منك .. اسطورتك الذاتية
posted by meshmesha @ 10:49 PM   2 comments

Saturday, January 24, 2009
زيارة قصيرة لمستشفى الشيخ زايد



زيارة قصيرة الى مستشفى الشيخ زايد

خرجنا امبارح انا ومجموعة من الأصدقاء .. الجمعة 23/1/2009

وروحنا زرنا اصدقائنا الجرحى فى مستشفى الشيخ زايد


فيهم اطفال يقطعوا القلب

محتاجين لكم جدا جدا جدا جدا

فيهم طفل اسمه محمود عمل مشهد غريب جدا

اول ما سمع صوتنا

قال سلموا عليا يا اصحابى

ولما حد من اصدقائنا سلم عليه مسك ايده ومكنش عايز يسيبه وباس ايده وحطها على قلبه وقاله خليك معايا

الطفل ده اصابته خطيرة جدا

الطفل ده فقد بصره من شظايا صاروخ

الطفل ده ميعرفش اصابته ايه

وباباه مخبى عنه لغاية دلوقتى

بس طفل .. مجرد طفل .. محتاج كلمة حلوة .. محتاج حد يطبطب عليه .. محتاج يحس انه ليه حد بيحبه وبيسأل عليه .. محتاج لكو اوى .. والله محتاج لكو اوى .. متتأخروش عليه ..


كمان كان فى طفل تانى زى القمر ودمه خفيف اصابته فى دراعه والابتسامه على وشة وبيضحك ويهزر ، ربنا يهون عليه ويخفف عنه يارب .. ادعوله


وفى طفل تانى فاقد بصره ومش بيقول غير الحمد لله


وفى بنوتة اصابتها فى دماغها وألمها لا يحتمل .. احنا مش بنستحمل شوية صداع ، فما بالكم بشظايا صاروخ فى دماغ طفلة


وفى بنت صغنونة عندها سنتين ونص فى منتهى الجمال وسريرها متحوط باللعب والدباديب، البنت دى مش بتتكلم، وعندها حالة فزع، ولما حد يقرب منها بتصرخ ...البنوتة دى عندها اصابة فى بطنها وبرضه محتاجة تشوف ناس كتير حلوين وطيبين عشان تخرج من حالة الخوف دى


وفى اصابات تانية.. هما حوالى 28 حاله .. .بس الملايكة الصغيرين اللى زى القمر حالتهم تأثر فى الحجر .. حسبنا الله ونعم الوكيل


معرض الكتاب شغال

وفى اكتر من حالة لاطفال فقدوا بصرهم


ممكن نجيب قصص من المعرض ونروح نقعد معاهم ونحكيهالهم ونهزر ونلعب ونخفف عنهم شوية


ممكن نجيب لهم عصير او بسكويت او فاكهة تقويهم - من اطعم اخاه حلوى اطعمه الله من حلوى الجنة


ممكن نجيب لهم لبس او بطانية تدفيهم


ممكن نحط فلوس فى ظرف وهما يجيبوا بيها الدوا اللى محتاجينه


وممكن أوى نروح بس نزورهم ونرسم ابتسامة على شفايفهم

وتذكروا :::

عن أبي عبد الله (عليه السلام) قال : من أدخل على مؤمن سروراً خلق الله من ذلك السرور خلقاً، فيلقاه عند موته فيقول له : أبشر يا ولي الله بكرامة من الله ورضوان!.. ثم لا يزال معه حتى يدخله قبره فيقول له مثل ذلك، فإذا بعث تلقاه فيقول له مثل ذلك، ثم لا يزال معه عند كل هول يبشره ويقول له مثل ذلك، فيقول له : من أنت يرحمك الله؟.. فيقول : أنا السرور الذي أدخلته على فلان


ربنا يبارك لكم ويجعله فى ميزان حسناتكم يارب
posted by meshmesha @ 9:27 PM   8 comments

Saturday, January 17, 2009
زيارة مستشفى الشيخ زايد

مستشفى الشيخ زايد

بها عدد 25 حالة من الجرحى والمصابين الفلسطينين من بينهم اربع اطفال بحاجة لزيارتكم ودعاءكم

الترتيب لهذه الزيارة وتحديد موعدها متروك لمن لديهم خبرة فى الترتيب لمثل هذه الرحلات :
ايناس - رودى - داليا - نوران والصباغ
مع العلم ان فى امكانية لتوفير مواصلة لنقل الناس من وسط البلد

ربنا يجعله فى ميزان حسناتكم يارب



posted by meshmesha @ 4:18 AM   7 comments

© 2006 Wahdy Laken Wansana | Blogger Templates by Gecko & Fly.
No part of the content or the blog may be reproduced without permission.
Learn how to Make Money Online at GeckoandFly
First Aid and Health Information at Medical Health

 
 

أغنية بحبها


Web This Blog
About Me


Name: meshmesha
Home: cairo, Zitun, Egypt
About Me: wa7dy w may be wansana .. i am not sure
See my complete profile

Previous Post
Archives
Links
Affiliates

make money online blogger templates