بيقولوا جوه مخ كل واحد فينا مراية بتعكس له صورته عن نفسه، هى اللى بيشوف بيها نفسه وعلى أساسها بيتعامل مع العالم الخارجى، لسبب أو لآخر وضع مرايتك ممكن يتهز .. يتكسر، لضعفك.. لقلة خبرتك او لقوة المؤثر ، ولأنك مستحيل تشوف نفسك كويس فى مراية مكسورة، فانت صورتك هتتهز أولا أدام نفسك وتبتدى تتعامل مع المجتمع من حواليك بصورتك المهزوزة دى.
لو حظك حلو هتقابل ناس تحاول تنفض التراب اللى عليك لانها مقدرة معدنك الثمين زى ماما امينة مثلا.
ولو ربنا بيحبك هتلاقى ناس ف اللى حواليك بتحبك وبتهتم بيك وبيحاولو يسعدوك زى كوكى مثلا.
ولو بختك كويس هتلاقى دود بينخر ف عضمك ومخك المسوس عشان ياكله وياكل معاه الكسل والاحباط واليأس والألم ويتجدد بمخ نضيف يفكر احسن وتكون مرايته جديدة وسليمة وبورقتها... حافظ عليها كويس ونصيحة اخيرة.... كل واحد ياخد باله من ... مرايته |
فاكره يا مشمشه حدوتة الست الشريره اللى كان عندها مرايه كل يوم تسألها مين اجمل منى ----الخ
فعلا انت عندك حق بس هى المشكله فين نلاقى حد صديق مثلا يكون مرايه لينا ويكون امين وصادق